Samsung အနေနဲ့ Galaxy S9 ကို မကြာခင်မှာ မိတ်ဆက်ဖို့ရှိပြီး Fast Wireless Charger အသစ်ကိုပါ တပါတည်း မိတ်ဆက်ဖွယ်ရှိတယ်လို့ သတင်းတွေ ထွက်ပေါ်လာပါတယ်။ ပေါက်ကြားလာတဲ့ User Manual ထဲက အချက်အလက်တွေအရ အခု Wireless Charger အသစ်မှာ Coil နှစ်ခုပါဝင်ပြီး Fast Charging ကို 9V/11.67A၊ 9V/2A ဒါမှမဟုတ် 12V/2.1A အထိ ထောက်ပံ့ပေးမယ်လို့ ဆိုပါတယ်။
Charger အနေနဲ့ အခုလက်ရှိ Charging Pad နဲ့ ပုံစံချင်း ဆင်တူပြီး နောက်ကျောဘက်မှာ Power Input အတွက် USB C ပေါက်နဲ့ အပူစုတ်ထုတ်ဖို့ Fan ပါဝင်ပါတယ်။ ဒါ့အပြင် LED Indicator မီးပါဝင်ပြီး အနီရောင်လင်းပါက အားသွင်းနေတယ်ဆိုတာကို ပြတာဖြစ်ပြီး အစိမ်းကတော့ အားသွင်းဖို့ အဆင်သင့်ဖြစ်နေတာကို ပြတာဖြစ်ပါတယ်။ တဖျတ်ဖျတ်လင်းနေရင်တော့ Error တစ်ခုခုရှိနေပြီလို့ ဆိုလိုပါတယ်။
ကာဗာနဲ့ Case တွေလည်း ပေါက်ကြားထွက်ပေါ်လာပြီး ပုံတွေအရ Galaxy S9+ မှာ Dual Camera ပါဝင်မယ်ဆိုတာကို ပိုမိုသေချာစေပါတယ်။
